PIN PON coa profe Sara

O grupo 3 dos voluntarios da radio de sexto realizou unha actividade creativa: prepararon e levaron a cabo unha entrevista do tipo “Pim, pom” á  profesora, Sara.

INNOVALAB LECTURA NO PRIMEIRO CICLO

 O alumnado do primeiro ciclo está a consolidarse no proceso de aprendizaxe da lectura e da escritura a través de actividades lúdicas e xogos educativos. Esta metodoloxía permite que os nenos e nenas adquiran as competencias básicas de maneira natural, motivadora e significativa, favorecendo o interese pola linguaxe escrita desde idades temperás.

ENTREGA DE PREMIOS DO CONCURSO PI

Parabéns ás gañadoras polo seu incrible esforzo e memoria! Cada cifra é un exemplo de constancia e superación.

Tercer premio Desirée
Segundo premio Carla
Primeiro premio Tatiana

Seguide brillando e facendo grande a curiosidade polas matemáticas

O ritmo do deporte con Bad Gyal

Despois das vacacións, volvemos con ilusión renovada cunha nova emisión do noso programa “O ritmo do deporte”, un espazo no que seguimos a mesturar música e paixón deportiva. Nesta ocasión contamos cunha protagonista moi especial: Bad Gyal, unha das artistas máis destacadas da música urbana actual. Co seu estilo único, que combina dancehall, reggaeton e electrónica, conseguiu abrirse camiño no panorama musical internacional, converténdose nun referente para mozos e mozas. No programa de hoxe achegarémonos á súa traxectoria e á súa relación co mundo do deporte, descubrindo novas conexións entre ritmo, movemento e enerxía.

Agardamos que gocedes desta nova etapa tanto como nós desfrutamos preparándoa. Volvemos co ritmo de sempre… e con máis ganas ca nunca! 

Club de teatro!!

No día mundial do teatro, 27 de marzo, o noso club mergullouse no mundo da improvisación e da posta en escena, deixando voar a creatividade e explorando novas formas de expresión. Entre risas, ensaios e momentos cheos de emoción, foron construíndo pequenas historias que cobran vida sobre o escenario.

ECO-RETO DE MARZO: plantamos vimbio e sementes

O ritmo do deporte con Myke Towers

  O programa semanal de Erika, Iker, Adrián e Paula cambia de día e pasa a ser os xoves. Nesta ocasión entrevista a Myke Towers.

Grupo2_pódcast de chistes.

  Hoxe pasou polo laboratorio da radio o grupo 2 para facer un podcast de chistes.

 O alumnado de primeiro e segundo participou nun divertido concurso de sopas de letras, no que puxeron a proba a súa atención, vocabulario e capacidade de traballo en equipo.

As actividades xiraron arredor de tres temas: países, animais e comida saudable, espertando a curiosidade e o interese dos nenos e nenas mentres aprendían xogando. Entre risas, colaboración e moito entusiasmo, foron descubrindo palabras agochadas e celebrando cada pequeno logro.

Foi unha experiencia enriquecedora.

CLUB DE LECTURA DE SEXTO

 

Os Megatoxos e a espada esmeralda de Anxo Fariña

CLUB DE LECTURA DE QUINTO

 

 Tivemos unha sesión moi especial do noso club de lectura con alumnado de 5º de Primaria arredor do libro Esmeraldina, a pequena defunta de Ledicia Costas.
Durante o encontro, compartimos impresións sobre a lectura: falamos do que máis nos gustou, dos momentos máis divertidos e tamén dos personaxes que máis nos chamaron a atención. Tamén reflexionamos sobre se recomendaríamos o libro… e a maioría tivemos claro que si!
Entre os personaxes, destacou especialmente unha araña moi curiosa, que deu pé a unha actividade moi creativa e saborosa. Inspirándonos nela, elaboramos unhas arañas terroríficas comestibles, deixando voar a nosa imaxinación.

Club de poesía de marzo

O sábado 21 de marzo conmemórase o día da poesía.

A poesía é unha forma de expresión artística que utiliza as palabras para crear beleza, evocar emocións ou transmitir sentimentos e ideas dun xeito diferente ao da linguaxe cotiá.

Este mes na quedada do noso club fixemos comparacións empregando parécese a… para despois na lectura dos nosos versos sustituilo por é como

Facer comparacións é o "motor" que move a poesía. Permítennos explicar o que sentimos usando imaxes que todo o mundo pode entender ou ver.

Formación radio para voluntarios

O luns 23 de febreiro tivemos o pracer de contar con Sara Meijide, redactora de Radio Lugo da Cadena SER, xornalista, presentadora e tamén formadora, que estivo con nós na nosa biblioteca para desenvolver unha enriquecedora sesión co alumnado do Club de Radio.

O ritmo do deporte con Aitana

 O grupo de radio da ESO está a facer un gran traballo co seu programa dos martes, “O ritmo do deporte”.

SEMANA DA PRENSA

 

Entrevista a Shakira polo grupo 1

 O voluntario do grupo 1 de primaria pasa polo laboratorio da radio para gravar unha entrevista a Shakira!

O ritmo do deporte con Eladio Carrión

  Voluntarios da ESO da radio volven ao estudio radiofónico para grabar un podcast feito e dirixido por eles. Entrevistan a Eladio Carrión, ollade que Eladio máis enrollado temos.

INNOVALAB LECTOESCRITURA

 O programa Leo Lab ten como obxectivo mellorar a competencia lectora e escritora do alumnado a través dunha aprendizaxe activa e motivadora, baseada no xogo.

Dentro deste programa, o alumnado aprende xogando con xogos moi variados, como buscar e descubrir palabras, completar e construír frases, ordenar textos, asociar imaxes con palabras, escribir pequenos textos e resolver retos relacionados coa lectura. Estes xogos fan que a aprendizaxe sexa máis divertida e adaptada ás diferentes idades e ritmos de aprendizaxe.

V ENCONTRO DA MICRORREDE

 

Hoxe celebramos o quinto encontro da Microrrede da Terra Chá, unha xornada moi enriquecedora na que puxemos en común os múltiples puntos de vista que compartimos nas nosas bibliotecas. O diálogo e a colaboración permitíronnos, ademais, organizar futuros traballos conxuntos que culminarán nunha exposición chea de significado e creatividade.

Queremos expresar o noso máis sincero agradecemento ao CEIP Insua Bermúdez de Vilalba pola excelente acollida e por abrirnos as portas da súa biblioteca, un espazo que favoreceu o intercambio, a reflexión e o traballo en equipo.

Seguimos medrando xuntas e xuntos, tecendo rede e construíndo proxectos compartidos para a Terra Chá.

CAMPIONATO DE PUZLES

Celebrouse na biblioteca o Campionato de Puzzles, GRACIAS a mamá de Izan e Uxía, gran aficionada! cunha grande e variada participación.
Pequenos e maiores compartiron un tempo de concentración, colaboración e moita diversión, demostrando que os puzzles son unha actividade perfecta para gozar e compartir en familia. 🧩