Ecoreto_xuño: presumimos

  Este curso elaboramos uns herbarios que levamos a exposición da rede de bibliotecas da Terrá Chá

EXPOSICIÓN DE TRABALLOS COA MICRORREDE DA TERRA CHÁ NA CASA HABANERA DE GUITIRIZ

 A Microrrede da Terra Chá Bibliotecas ten o pracer de convidarvos á Exposición de Traballos sobre Toponimia na casa Habanera de Guitiriz, unha mostra do labor realizado polo alumnado e profesorado dos centros pertencentes á nosa microrrede.

Esta exposición recolle proxectos como a clasificación dos herbarios recollidos polo alumnado de E.I e E.P, lendas e refráns recollidos polo alumnado da ESO cos usuarios do Centro de Día Valverde, e una recopilación de poemas de autores chairegos relacionados coa flora do noso contorno.

Agardámosvos con ilusión para compartir esta viaxe pola memoria toponímica da nosa contorna, a través dos ollos e das palabras das novas xeracións.

ECO RETO MAIO: PRESERVAMOS

Na nosa escola, o alumnado de 5.º e 6.º voluntario de primaria puxémonos un reto moi importante: coidar e preservar a lagoa do noso entorno. Sabemos que a natureza é moi valiosa e que, se non a coidamos, pode desaparecer. Por iso decidimos investigar sobre a Lagoa de Cospeito, os animais e plantas que viven nelas, e pensar que cousas podemos facer para protexelas.

Reciclaxe de cápsulas de café: Emprego da borra de café como abono e o recipiente como elemento decorativo

 

Esta proposta naceu coa intención de promover a educación ambiental e a conciencia ecolóxica no alumnado de 2º da ESO, a través dun enfoque interdisciplinar baseado na aprendizaxe por proxectos. Partindo dun problema real e próximo —o impacto ambiental do café en cápsulas— deseñouse unha secuencia didáctica que integrase contidos  diversos. O proceso iniciouse coa análise da situación: investigouse a problemática da reciclaxe das cápsulas e as súas posibilidades de reutilización. A partir diso, estruturáronse actividades prácticas e experimentais para avaliar o uso das borras de café como fertilizante, así como propostas creativas para transformar as cápsulas en obxectos artísticos ou funcionais. A planificación organizouse cun calendario equilibrado que permite desenvolver competencias clave e fomentar o traballo cooperativo. A proposta foi elaborada tendo en conta os obxectivos curriculares e os criterios de avaliación, así como a motivación e implicación activa do alumnado na súa aprendizaxe.

Papel reciclado, maios e Letras galegas!

  Co gallo da celebración do día das letras galegas elaboramos photocall moi cantareiro e natural.

Que rica están os alimentos da nosa horta

 

 

Áquí vos deixamos un exemplo de economía circular coas leitugas do horto escolar:

1. Produción local e sostible:

As leitugas plántanse e cultívanse no horto do colexio, usando abono natural (como compost feito cos restos orgánicos do comedor).

2. Consumo responsable:

Cando están listas, as leitugas recóllense e empréganse nas comidas do comedor escolar. Así cómense produtos frescos e saudables, sen ter que traelos de lonxe, o que aforra transporte e contamina menos.

3. Xestión de residuos e reutilización:

Os restos da comida (cascas, follas que non se usan, etc.) non se botan ao lixo, senón que se levan ao composteiro do horto. Alí descompoñense e convértense en abono para alimentar outra vez a terra e plantar máis leitugas.

4. Educación e participación:

O alumnado participa en todo o proceso: sementa, recolle, come e axuda a facer compost. Así aprenden a importancia de coidar os recursos e a natureza.

Conclusión:

A economía circular funciona como a natureza: nada se desperdicia, todo se transforma e volve usarse. As leitugas do horto escolar son un exemplo claro de como podemos facer isto no día a día, aprendendo e coidando o planeta.

E así hoxe no comedor comemos leituga do noso horto.

CIENCIA NA BIBLIOTECA COA PROFE ROSA

 

Hoxe na nosa biblioteca fixemos tinta invisible con cúrcuma con ROSA a profe dos maiores da ESO.

CONCURSO PARA CONSEGUIR CRIPTO MOEDAS : MAIO

 

Ánimo os mellores terán criptomoeda.

ECO RETO ABRIL:CONCIENCIAMOS

O noso obxetivo este mes é concienciar para promover a protección medioambiental e fomentar a acción social e investigación científica.

PLANTANDO ÁRBORES CON PINCEIS

 

Afundación levou hoxe o seu proxecto «Plantando árbores con pinceis» ao CPI Virxe do Monte de Cospeito, onde máis de oitenta rapaces e rapazas elaboraron un mural con pinturas fotocatalíticas anticontaminantes. 

O artista David Brey, de Vella Escola, foi o encargado de dirixir a creación da obra nun dos muros do centro educativo.

 Durante a mañá, os escolares decoraron tamén bolsas de tea con pinturas ecolóxicas. 

A iniciativa enmárcase no programa da Obra Social de ABANCA «Educación para a sostibilidade», que obtivo en 2024 o premio nacional de Medio Ambiente de CECA.

OBRADOIRO DE VELAS PARA AS FAMILIAS

 Temos o pracer de convidar a todas as familias  a participar nun obradoiro de velas que se celebrará o 8 de abril ás 16h na nosa biblioteca. Este obradoiro é unha excelente oportunidade para aprender e gozar xuntos en familia, mentres desenvolvemos a nosa creatividade e compartimos un momento especial.

Non é necesario contar con experiencia previa, xa que o obradoiro está pensado para todos os niveis. Ven cos teus fillos e disfruta desta experiencia artesanal única!

Agradecemos a vosa participación e agardámosvos con moita ilusión para pasar unha tarde chea de creatividade e diversión.

Ademais con esta actividade tamén colaboraremos cun mercadillo solidario no IES Leiras Pulpeiro de Lugo para recaudar fondos para un parque infantil no Hula.

Ecoreto marzo: plantamos

 Cando a primavera comeza a asomarse, a natureza sábeo ben. Neses días de choiva e sol vemos como pouco a pouco todo empeza a brotar.

CONCURSO PARA CONSEGUIR CRIPTO MOEDAS : MARZO

 

A resposta a pregunta de febreiro e o traballiño de marzo.

Un artículo sobre como podemos coidar a natureza e o medio ambiente.

ÁNIMO !!!! OS MELLORES TERÁN CRIPTO MOEDA!!

NOVO CONCURSO PARA CONSEGUIR CRIPTO MOEDAS : FEBREIRO

 Todos os meses o recoñedido Gerónimo Stilton lanzaranos unha pregunta, un traballo...aqueles que o realicen con éxito conseguirán unha cripto moeda!!!

            ANIMÁDEVOS A PARTICIPAR!!!

ECO RETO de XANEIRO: divulgamos: voluntarios polo medio ambiente

 

ECO-RETO XANEIRO: divulgamos

No mes de xaneiro no cole iniciamos a limpeza dos nosos patios, con esta actividade protexemos, concienzamos e recuperamos o noso patio. 

Organizamos grupos e cada mes faremos unha batida polos nosos patios recollendo: plásticos, cartóns, restos de comida, tetra bricks…e concienciando de como deben de reciclalos, baixo o lema de ÚNETE A VOLUNTARIOS POLO MEDIO AMBIENTE: MANTÉN LIMPO O TEU PATIO

DÍA MUNDIAL DA EDUCACIÓN AMBIENTAL

 

Onte celebrouse o Día Mundial da Educación Ambiental.

ECO-RETO decembro: reutilizamos: CASIÑAS DE XENXIBRE con cartón.

 Nos recreos da semana do 9 ó 13 de decembro na biblioteca levamos unha actividade vinculada co nadal para decorar os nosos corredores con palabras bonitas. Empregamos cartón e rotus blancos, quixemos representar as casiñas de xenxibre. O nadal é sinónimo de fogar e que bonito é estar na casiña lendo e saboreando uns ricos doces. Aproveitamos esta actividade para enmarcala no eco-reto de decembro do programa Voz natura e darlle así uno novo uso ao cartón. 

As casas dos paxariños saen ás árbores do noso patio.

 O alumnado de 3º da ESO colgou algunhas das casas dos paxariños que se fixeran o curso pasado o alumnado do centro, enmarcado dentro do proxecto de VOZ NATURA protección de fauna e flora da zona, as puxeron nas árbores do cole.

CLUB DE LECTURA DE 5º E.P

 Esta semana tivemos o CLUB DE LECTURA DE 5º E.P. co libro de María Reimóndez "Usha"

SEMENTANDO NA NOSA HORTA ALUMNADO DE 5ºE.P.

O mércores no recreo voluntarias de 5º EP plantaron allos.  Ademais repuxemos unha framboesa que secara.