RECOMENDACIÓNS LECTORAS PARA O VERÁN

 

EXPOSICIÓN DE TRABALLOS COA MICRORREDE DA TERRA CHÁ NA CASA HABANERA DE GUITIRIZ

 A Microrrede da Terra Chá Bibliotecas ten o pracer de convidarvos á Exposición de Traballos sobre Toponimia na casa Habanera de Guitiriz, unha mostra do labor realizado polo alumnado e profesorado dos centros pertencentes á nosa microrrede.

Esta exposición recolle proxectos como a clasificación dos herbarios recollidos polo alumnado de E.I e E.P, lendas e refráns recollidos polo alumnado da ESO cos usuarios do Centro de Día Valverde, e una recopilación de poemas de autores chairegos relacionados coa flora do noso contorno.

Agardámosvos con ilusión para compartir esta viaxe pola memoria toponímica da nosa contorna, a través dos ollos e das palabras das novas xeracións.

ECO RETO MAIO: PRESERVAMOS

Na nosa escola, o alumnado de 5.º e 6.º voluntario de primaria puxémonos un reto moi importante: coidar e preservar a lagoa do noso entorno. Sabemos que a natureza é moi valiosa e que, se non a coidamos, pode desaparecer. Por iso decidimos investigar sobre a Lagoa de Cospeito, os animais e plantas que viven nelas, e pensar que cousas podemos facer para protexelas.

OBRADOIRO DE TEATRO

Comezamos co obradoiro de TEATRO na biblio!

É un pracer darvos a benvida á presentación do noso Obradoiro de Teatro, unha actividade chea de ilusión, aprendizaxe e creatividade, realizada polas alumnas de 4º de Primaria, guiadas coa dedicación e paixón da súa profesora Tamara.

Durante varias semanas, as nosas alumnas mergulláronse no apaixonante mundo do teatro: aprenderon a expresarse, a traballar en equipo, a poñerse na pel doutras persoas e, sobre todo, a gañar confianza en si mesmas.

Este obradoiro non só foi unha experiencia educativa, senón tamén unha aventura artística. Como produto final, temos o pracer de presentarvos unha obra de teatro, resultado do seu esforzo "OS CONTOS DE LOBICÁN"

O público non puido ser mellor o alumnado de infantil, da Garderia e os usuarios do Centro de día.

Moitas grazas e… que comence o teatro!

LETRAS GALEGAS E MAIOS

 

O 17 de maio conmemórase o Día das Letras Galegas. E a nosa escola preparouse para un día especial na súa víspera!

GAÑADORES DO CONCURSO DE ESCAPARATES LITERARIOS

 

O xurado formado polo Equipo de Cociña tivo foi difícil seleccionar só un gañador polos traballos tan ben feitos, polo que elixiu tres gañadores, a entrega de premios terá lugar o venres 16 coincidindo coa celebración dos maios e Letras Galegas.

GAÑADORES DO CONCURSO DE PODCAST NA RADIO E INAGURAMOS A FEIRA DO LIBRO DE LUGO

 

Imos inagurar a Feira do Libro de Lugo cos alumnos de 2º da ESO coa cantiga gañadora do concurso de PODCAST de radio na biblio coa colaboracion da Radio Galega.

VISITA DE MARÍA REIMÓDEZ

 

O luns 12, tivemos na nosa biblioteca a María Reimóndez escritora dalgúns dos libros que limos este curso nos diferentes clubs de lectura como Usha, A formiga destemida, Corredora...

PREPARANDO A VISITA DE MARÍA REIMÓNDEZ

 Pronto teremos a visita de Maria Reimóndez e o alumnado de quinto de primaria está a preparar varias cousiñas para recibila...preguntas sobre o libro, lecturas de fragmentos, entrevista na radio...

CIENCIA NA BIBLIOTECA COA PROFE ROSA

 

Hoxe na nosa biblioteca fixemos tinta invisible con cúrcuma con ROSA a profe dos maiores da ESO.

OBRADOIRO DE FAMILIAS: Xogos cooperativos coa familia Yánez Cancio!

  O martes na biblioteca houbo un obradoiro de familias con xogos cooperativos. Tania, a mamá de Sergio e Lola de 3 anos e Martín de 5 anos trouxo a nosa biblioteca xogos para pasar unha tarde divertida xogando todos xuntos.

CONCURSO PARA CONSEGUIR CRIPTO MOEDAS : MAIO

 

Ánimo os mellores terán criptomoeda.

ACTIVIDADES PARA CONMEMORAR O DÍA DO LIBRO

 

Para conmemorar O Día do libro e, dentro do programa de Bibliotecas solidarias, alumnado de primeiro e segundo da ESO dvisitou o HULA para levar cantigas tradicionais (xa que este ano As Letras galegas adícanse ás cantareiras) algunhas delas recopiladas cos usuarios do Centro de Día de Cospeito e unha das  xerocultoras do mesmo. 

Os alumnos e alumnas visitaron servizos como o de Rehabilitación,  Xeriatría, Hospital de Día... entre outros.

Así mesmo, fixeron entrega de marcapáxinas con refráns galegos a partir dun traballo realizado en colaboración cos usuarios do Centro de Día de Cospeito.

A partir das 12:00 hpras tamén repartiron diversos libros doados polo colexio no hall de entrada ao HULA.

Do 22 ao 25 realización de escaparates literarios na entrada do colexio, un por aula e ademais colaboran a Gardería e o Centro de día. O mellor levará premio🏆.

-O mércores usuarios do Centro de Día farán un contacontos na nosa  biblioteca ao alumnado de infantil as 11.30.

-O xoves o alumnado de infantil asistirá a un obradoiro na escola de maxisterio onde traballarán narrativas de luz e contos con sombras chinesas ademais de visitar unha exposición de libros.

ECO RETO ABRIL:CONCIENCIAMOS

O noso obxetivo este mes é concienciar para promover a protección medioambiental e fomentar a acción social e investigación científica.

DÍA DAS ARTES GALEGAS

 

Os alumnos da materia de Expresión Artística conmemoraron o traballo do artista galego Isaac Díaz Pardo realizando unha serie de linograbados nos que versionaron traballos do artista.

PLANTANDO ÁRBORES CON PINCEIS

 

Afundación levou hoxe o seu proxecto «Plantando árbores con pinceis» ao CPI Virxe do Monte de Cospeito, onde máis de oitenta rapaces e rapazas elaboraron un mural con pinturas fotocatalíticas anticontaminantes. 

O artista David Brey, de Vella Escola, foi o encargado de dirixir a creación da obra nun dos muros do centro educativo.

 Durante a mañá, os escolares decoraron tamén bolsas de tea con pinturas ecolóxicas. 

A iniciativa enmárcase no programa da Obra Social de ABANCA «Educación para a sostibilidade», que obtivo en 2024 o premio nacional de Medio Ambiente de CECA.

ANIMACIÓN A LECTURA DENDE O TEATRO

 

Hoxe na nosa biblioteca tivemos a Sabela Gago é actriz, pedagoga e mestra, con gran experiencia. É experta en teatro e compaxina esta disciplina cos seus coñecementos pedagóxicos e terapéuticos para ofrecer obradoiros nos que se aprende a dramatizar textos, sentimentos e emocións co corpo e a voz, partindo de estímulos diversos.

OBRADOIRO DE VELAS PARA AS FAMILIAS

 Temos o pracer de convidar a todas as familias  a participar nun obradoiro de velas que se celebrará o 8 de abril ás 16h na nosa biblioteca. Este obradoiro é unha excelente oportunidade para aprender e gozar xuntos en familia, mentres desenvolvemos a nosa creatividade e compartimos un momento especial.

Non é necesario contar con experiencia previa, xa que o obradoiro está pensado para todos os niveis. Ven cos teus fillos e disfruta desta experiencia artesanal única!

Agradecemos a vosa participación e agardámosvos con moita ilusión para pasar unha tarde chea de creatividade e diversión.

Ademais con esta actividade tamén colaboraremos cun mercadillo solidario no IES Leiras Pulpeiro de Lugo para recaudar fondos para un parque infantil no Hula.

21 DE MARZO DÍA DA POESÍA

 

Nas aulas na semana do 24 de marzo sementamos versos para conmemorar o Día da poesía.

CONCURSO PARA CONSEGUIR CRIPTO MOEDAS : MARZO

 

A resposta a pregunta de febreiro e o traballiño de marzo.

Un artículo sobre como podemos coidar a natureza e o medio ambiente.

ÁNIMO !!!! OS MELLORES TERÁN CRIPTO MOEDA!!