O alumnado de Valores de cinco anos está moi comprometido co coidado do medio ambiente e coa reciclaxe. Ao longo destas semanas realizaron diferentes actividades para aprender, investigar e concienciarse sobre a importancia de reciclar correctamente e de coidar o noso planeta.
Participaron en xogos de cartas nos que clasificaban os distintos tipos de residuos segundo a súa contorna, aprendendo de maneira lúdica onde debe depositarse cada material. Ademais, investigaron e descubriron a importancia de reducir, reutilizar e reciclar, comprendendo que pequenos xestos do día a día poden contribuír a construír un mundo máis limpo e sostible.
Coa axuda da mestra, elaboraron tamén diferentes carteis informativos para colocar por todo o colexio, co obxectivo de compartir as súas aprendizaxes e sensibilizar ao resto da comunidade educativa sobre a necesidade de coidar o medio ambiente. A través destas actividades demostraron moito interese, participación e entusiasmo, converténdose en pequenos grandes defensores do noso planeta.
No hay comentarios:
Publicar un comentario