ECO-RETO DE MARZO: plantamos vimbio e sementes

3....2........1.....Posta en marcha da nosa futura cabaña de vimbio. 

A plantación de vimbio (tamén chamado bimbio ou vimbia) é unha práctica tradicional en Galicia, moi ligada á cestería e ao amarrado de vides. Trátase de cultivar variedades de salgueiro (Salix) para obter varas flexibles e resistentes. 

Pretendemos crear unha estructura viva que siga medrando directamente dende o chan. É ideal para crear espazos de sombra naturais ou zonas de xogo para nenos/as. 

Varios mestres do centro axudando a crear este novo espazo destinado a diversión dos rapaces e rapazas.

Precisamos coidar con moito agarimo e o que máis precisan é auga.

COBERTURA DE CASCA DE PINO NO ESPAZO VERDE (seguimos acondicionando este espazo)

A casca de pino é excelente para cubrir o terreo porque actúa como un “acolchado natural” que protexe o solo e as plantas. Ten varios beneficios importantes a destacar e que son de gran relevancia para o noso centro:

·         - Aforro de auga: Reduce drasticamente a evaporación, mantendo a humidade do solo por máis tempo e diminuíndo a necesidade de rega.

·         - Control de malas herbas: Ao impedir que a luz solar chegue directamente á terra, dificulta moito que agromen herbas non desexadas.

·         - Regulación térmica: Actúa como un illante que protexe as raíces do frío extremo no inverno e da calor excesiva no verán.

·         - Mellora do solo: Co paso do tempo, descomponse lentamente e aporta materia orgánica ao terreo.

E, por último, dá un acabado natural e limpo estéticamente.

Coa chegada da primavera, cando os días comezan a alongarse e o sol quenta con máis dozura, os máis pequenos do colexio puxéronse mans á obra cunha actividade moi especial. Cheos de ilusión e curiosidade, prepararon uns maceteiros para dar vida a pequenas sementes de flores.

Primeiro, encheron os maceteiros con terra fresca e suave. Despois, con moito coidado, foron colocando as sementes, como se gardasen pequenos tesouros cheos de vida. Finalmente, regaron con auga, sabendo que ese xesto sinxelo era esencial.

Cada día, os nenos e nenas achegábanse aos maceteiros con entusiasmo, observando atentos os cambios, aprendendo a ter paciencia e a respectar os tempos da natureza.