Aproveitando estes días de sol, estamos a realizar lecturas ao aire libre, unha actividade moi agradable e motivadora para o alumnado do primeiro ciclo. Saír da aula permítenos gozar dun ambiente diferente, máis relaxado o que favorece a concentración e o gusto pola lectura.
O bo tempo, a luz natural e o silencio axudan a crear un clima perfecto para deixar voar a imaxinación.
Estas lecturas ao aire libre non só fomentan o hábito lector, senón tamén o respecto polo entorno, a tranquilidade e o disfrute do tempo compartido. Ademais, permiten asociar a lectura con momentos agradables, facendo que os libros se convertan nunha fonte de pracer e aprendizaxe.
Sen dúbida, é unha experiencia que enriquece o día a día escolar e que o alumnado recibe con moita ilusión.
No hay comentarios:
Publicar un comentario