Este ano, as bibliotecas celébranse baixo un lema moi especial: “Viaxe á creatividade”, unha invitación a descubrir, imaxinar e crear a través dos libros. Non se trata só de ler, senón de emprender unha auténtica aventura na que cada páxina abre unha porta a novos mundos, emocións e ideas.
O alumnado de primeiro está a vivir esta experiencia dun xeito moi especial. Cada vez que levan un libro en préstamo, non só o len, senón que deixan voar a súa imaxinación e transforman esa lectura nun debuxo. Así, cada historia convértese nunha obra única, creada a partir da súa mirada, das súas emocións e da súa creatividade.
A través desta actividade, os nenos e nenas aprenden que ler é moito máis que comprender palabras: é sentir, soñar e expresar. Os seus debuxos reflicten personaxes, aventuras, paisaxes e momentos que lles chamaron a atención, facendo visible o mundo interior que cada lectura esperta neles.
No hay comentarios:
Publicar un comentario