Plantamos allos con 1º de EP

  Esta semana, o alumnado de primeiro de primaria sementou allos no noso horto escolar. Aínda que a terra estaba moi mollada, decidimos deixar a semente plantada, confiando en que, co paso do tempo e coidados axeitados, poidamos recoller os seus froitos dentro dunha tempada.

Plantar é unha tarefa moi importante, xa que nos ensina a respectar os tempos da natureza, a ter paciencia e a valorar o traballo da terra.

Ademais, os allos son un alimento fundamental na nosa cociña tradicional e axúdannos a comprender mellor a importancia dunha alimentación saudable e de proximidade.

Co horto, o alumnado aprende facendo, cultivando non só plantas, senón tamén responsabilidade e amor polo medio natural .

Na clase desfixeron as cabezas de allos para podelas plantar.