ECO RETO MAIO: PRESERVAMOS

Na nosa escola, o alumnado de 5.º e 6.º voluntario de primaria puxémonos un reto moi importante: coidar e preservar a lagoa do noso entorno. Sabemos que a natureza é moi valiosa e que, se non a coidamos, pode desaparecer. Por iso decidimos investigar sobre a Lagoa de Cospeito, os animais e plantas que viven nelas, e pensar que cousas podemos facer para protexelas.

OBRADOIRO DE TEATRO

Comezamos co obradoiro de TEATRO na biblio!

É un pracer darvos a benvida á presentación do noso Obradoiro de Teatro, unha actividade chea de ilusión, aprendizaxe e creatividade, realizada polas alumnas de 4º de Primaria, guiadas coa dedicación e paixón da súa profesora Tamara.

Durante varias semanas, as nosas alumnas mergulláronse no apaixonante mundo do teatro: aprenderon a expresarse, a traballar en equipo, a poñerse na pel doutras persoas e, sobre todo, a gañar confianza en si mesmas.

Este obradoiro non só foi unha experiencia educativa, senón tamén unha aventura artística. Como produto final, temos o pracer de presentarvos unha obra de teatro, resultado do seu esforzo "OS CONTOS DE LOBICÁN"

O público non puido ser mellor o alumnado de infantil, da Garderia e os usuarios do Centro de día.

Moitas grazas e… que comence o teatro!

LETRAS GALEGAS E MAIOS

 

O 17 de maio conmemórase o Día das Letras Galegas. E a nosa escola preparouse para un día especial na súa víspera!

OBRA DE TEATRO DAS FAMILIAS PARA FAMILIAS

 Agradecemos a Esther a súa colaboración na realización da obra de teatro do " Hombrecito Gris" na nosa biblioteca escolar co alumnado do colexio.

O seu compromiso, creatividade e dedicación fixeron posible unha experiencia inesquecible para o noso alumnado, contribuíndo non só ao fomento da lectura e da imaxinación, senón tamén ao enriquecemento da vida cultural do noso centro.

Grazas por compartir o teu tempo coa comunidade educativa!

2º período do programa escolar de consumo de froitas e leite.

Dende o 12 de maio o 23 o noso alumnado pode saborear uns almorzos saudables, cargados de froita e leite. Grazas as axudas para a subministración de productos aos centros escolares (Fogga).

Radio Galega: podcast!

 

No seguinte enlace pódese escoitar na Radio Galega o podcast gañador.

https://www.agalegaaudio.gal/videos/247982-cultugal

ENQUISAS DE AVALIACIÓN

ENQUISAS DE AVALIACIÓN ACERCA DA BIBLIOTECA PARA FAMILIAS E ALUMNADO

Podcasts do concurso de Radio. Cultugal premiado na modalidade de 1º e 2º ESO!

 

Este ano concedéronos o programa RADIO NA BIBLIO polo que estamos moi motivados en elaborar programas radiofónicos. Por este motivo, cando vimos o concurso de podcast escolares, decidimos poñer en práctica o aprendido durante estes meses e así conmemorar o Día das Letras Galegas dun xeito diferente.

Papel reciclado, maios e Letras galegas!

  Co gallo da celebración do día das letras galegas elaboramos photocall moi cantareiro e natural.

GAÑADORES DO CONCURSO DE ESCAPARATES LITERARIOS

 

O xurado formado polo Equipo de Cociña tivo foi difícil seleccionar só un gañador polos traballos tan ben feitos, polo que elixiu tres gañadores, a entrega de premios terá lugar o venres 16 coincidindo coa celebración dos maios e Letras Galegas.

CLUB DE LECTURA CON 1º DA ESO

 

Tivemos a última reunión deste curso co alumnado de 1º da ESO

GAÑADORES DO CONCURSO DE PODCAST NA RADIO E INAGURAMOS A FEIRA DO LIBRO DE LUGO

 

Imos inagurar a Feira do Libro de Lugo cos alumnos de 2º da ESO coa cantiga gañadora do concurso de PODCAST de radio na biblio coa colaboracion da Radio Galega.

Que rica están os alimentos da nosa horta

 

 

Áquí vos deixamos un exemplo de economía circular coas leitugas do horto escolar:

1. Produción local e sostible:

As leitugas plántanse e cultívanse no horto do colexio, usando abono natural (como compost feito cos restos orgánicos do comedor).

2. Consumo responsable:

Cando están listas, as leitugas recóllense e empréganse nas comidas do comedor escolar. Así cómense produtos frescos e saudables, sen ter que traelos de lonxe, o que aforra transporte e contamina menos.

3. Xestión de residuos e reutilización:

Os restos da comida (cascas, follas que non se usan, etc.) non se botan ao lixo, senón que se levan ao composteiro do horto. Alí descompoñense e convértense en abono para alimentar outra vez a terra e plantar máis leitugas.

4. Educación e participación:

O alumnado participa en todo o proceso: sementa, recolle, come e axuda a facer compost. Así aprenden a importancia de coidar os recursos e a natureza.

Conclusión:

A economía circular funciona como a natureza: nada se desperdicia, todo se transforma e volve usarse. As leitugas do horto escolar son un exemplo claro de como podemos facer isto no día a día, aprendendo e coidando o planeta.

E así hoxe no comedor comemos leituga do noso horto.

VISITA DE MARÍA REIMÓDEZ

 

O luns 12, tivemos na nosa biblioteca a María Reimóndez escritora dalgúns dos libros que limos este curso nos diferentes clubs de lectura como Usha, A formiga destemida, Corredora...

ENTREGA DE VELAS E PORTAVELAS PARA O MERCADILLO SOLIDARIO

 

Fixemos entrega a Rosana organizadora do mercadillo solidario das velas e portavelas.

PREPARANDO A VISITA DE MARÍA REIMÓNDEZ

 Pronto teremos a visita de Maria Reimóndez e o alumnado de quinto de primaria está a preparar varias cousiñas para recibila...preguntas sobre o libro, lecturas de fragmentos, entrevista na radio...

CIENCIA NA BIBLIOTECA COA PROFE ROSA

 

Hoxe na nosa biblioteca fixemos tinta invisible con cúrcuma con ROSA a profe dos maiores da ESO.

OBRADOIRO DE FAMILIAS: Xogos cooperativos coa familia Yánez Cancio!

  O martes na biblioteca houbo un obradoiro de familias con xogos cooperativos. Tania, a mamá de Sergio e Lola de 3 anos e Martín de 5 anos trouxo a nosa biblioteca xogos para pasar unha tarde divertida xogando todos xuntos.

IV ENCONTRO DA MICRORREDE DA TERRA CHÁ

Onte tivemos o encontro da Microrrede de bibliotecas escolares da Terra Cha, seguimos traballando xuntos e pronto contarémosvos!!!

CONCURSO PARA CONSEGUIR CRIPTO MOEDAS : MAIO

 

Ánimo os mellores terán criptomoeda.

ACTIVIDADES PARA CONMEMORAR O DÍA DO LIBRO

 

Para conmemorar O Día do libro e, dentro do programa de Bibliotecas solidarias, alumnado de primeiro e segundo da ESO dvisitou o HULA para levar cantigas tradicionais (xa que este ano As Letras galegas adícanse ás cantareiras) algunhas delas recopiladas cos usuarios do Centro de Día de Cospeito e unha das  xerocultoras do mesmo. 

Os alumnos e alumnas visitaron servizos como o de Rehabilitación,  Xeriatría, Hospital de Día... entre outros.

Así mesmo, fixeron entrega de marcapáxinas con refráns galegos a partir dun traballo realizado en colaboración cos usuarios do Centro de Día de Cospeito.

A partir das 12:00 hpras tamén repartiron diversos libros doados polo colexio no hall de entrada ao HULA.

Do 22 ao 25 realización de escaparates literarios na entrada do colexio, un por aula e ademais colaboran a Gardería e o Centro de día. O mellor levará premio🏆.

-O mércores usuarios do Centro de Día farán un contacontos na nosa  biblioteca ao alumnado de infantil as 11.30.

-O xoves o alumnado de infantil asistirá a un obradoiro na escola de maxisterio onde traballarán narrativas de luz e contos con sombras chinesas ademais de visitar unha exposición de libros.