CANDELORIA

VISITA DA MATRONA

 

Hoxe contamos coa presenza da matrona Sonia, que pasou a mañá con nós compartindo unha experiencia moi enriquecedora.
Ao longo das distintas charlas, explicou como relacionarnos entre nós desde as idades máis temperás ata as máis avanzadas, empregando sempre unha linguaxe adaptada a cada etapa e utilizando recursos axeitados para cada grupo.
As súas explicacións resultaron moi claras, próximas e interesantes, facilitando a comprensión e fomentando o respecto, a igualdade e unha comunicación saudable.
Queremos agradecerlle a Sonia o seu traballo e, tamén, á ANPA por solicitar e facer posibles este tipo de charlas tan necesarias e enriquecedoras para o noso alumnado.
Moitas grazas!

29 de Xaneiro dia do puzle!

 

CLUB DE LECTURA NOITE DE TEMPORAL

 

CLUB DE LECTURA A FILLA DO LADRÓN DE BICICLETAS

 

DÍA DA PAZ:CREACIÓN DUN STOP MOTION

 

Para conmemorar o Día da Paz, alumnos voluntarios de primaria e secundaria participaron nun obradoiro na biblioteca para a creación dun stop motion. Durante a actividade, elaboraron as figuras que aparecerían no vídeo, realizaron as fotografías necesarias e participaron no montaxe final, que estivo a cargo da profesora de Polos Creativos.

O stop motion é unha técnica de animación na que se van fotografando os obxectos ou figuras paso a paso, de xeito que, ao reproducir as imaxes en secuencia, parece que se moven de forma continua. Deste xeito, os alumnos aprenderon a crear historias de maneira visual e creativa.

Todas as etapas educativas disfrutaron do corto elaborado polo seus compañeiros/as e dalgún máis.

ECO RETO XANEIRO: DIVULGAMOS

 

A través de  pequenas accións e novos avances científicos poden marcar a diferenza na loita contra o quecemento global.

 Carla, Melinda e Iago voluntarios de 2º da ESO explican este tema co obxectivo de concienciar sobre a importancia de buscar alternativas sostibles.

O hidróxeno verde é unha das enerxías do futuro e unha posible solución para frear o cambio climático. Trátase dun tipo de enerxía limpa que se obtén a partir da auga, empregando electricidade procedente de fontes renovables como o sol ou o vento. Ao utilizalo, non se producen gases contaminantes, polo que axuda a coidar o planeta.

CONCURSO DE FOTOGRAFÍA DO INVERNO

 O INVERNO enche as nosas paisaxes de cores únicas e momentos máxicos. Queremos recoller esas imaxes que reflicten a beleza desta estación na nosa zona, e para iso convocamos o Concurso de Fotografía de INVERNO

Entrevista a profe María

 Novo programa de entrevistas na nosa radio.

Esta semana, na radio, tivo lugar unha entrevista moi especial: a titora de quinto de primaria e profesora de Plástica en Inglés do resto do cole, foi a protagonista da nosa sección de entrevistas. Con esta conversa tan próxima e interesante, estreamos oficialmente esta nova sección da man do grupo da radio, formado nesta ocasión por alumnas de quinto que prepararon as preguntas e o guión e que decidiron comezar esta aventura entrevistando á súa propia profe.

Será un momento no que o alumnado poderá coñecer un pouco mellor á mestra, tanto no eido profesional como no persoal. Sen dúbida, unha estrea fermosa para unha sección que nace con ganas de dar voz ás persoas que forman parte da vida do noso cole.

DESEÑO GRÁFICO

 

Ao longo deste curso, a biblioteca escolar convértese nun espazo de creatividade a través do deseño gráfico, entendéndoo como unha parte esencial da comunicación escrita desde a orixe da escritura ata a actualidade dixital. Partindo do alfabeto como raíz común, explóranse as tipografías, os libros, os carteis e outros soportes visuais, con referencias á tradición editorial e gráfica galega. Neste marco, o alumnado de 2º de Primaria participa nunha actividade práctica: a creación dun mural do abecedario empregando diferentes tipografías recollidas de xornais, revistas e outros materiais impresos.

A actividade consiste na elaboración colaborativa dun mural do abecedario no que cada letra é representada cunha tipografía distinta. O alumnado busca, selecciona e recorta letras de diferentes publicacións (xornais, revistas, folletos…), observando as súas formas, tamaños, estilos e usos. Posteriormente, clasifícanse e colócanse no mural, creando un abecedario visual e diverso.

Con esta proposta preténdese:

Achegar o alumnado ao deseño gráfico dun xeito lúdico e accesible.

Tomar conciencia da variedade tipográfica presente na vida cotiá.

Desenvolver a observación, a creatividade e o traballo cooperativo.

Valorar os soportes impresos e o papel da edición e do deseño na transmisión da información.

O mural final expónse na biblioteca escolar como mostra do proceso creativo e como recurso visual para todo o centro, reforzando a idea da biblioteca como espazo de aprendizaxe, creación e futuro.

CLUB DE LECTURA 6º E.P

Os Megatoxos son catro mozos que teñen que compatibilizar as clases no  instituto, cunha dobre vida que os impulsa a viaxar na procura dunha cura para a súa mutación xenética, un cambio provocado por unha planta  moi especial, o Toxo. Esta planta mutante ten, entre outras, a capacidade de viaxar no espazo e no tempo. O día en que Ruxe, Faísca, Ninfa e Lúa comezaron o curso, apenas se coñecían. Mais un accidente inesperado fará que as súas vidas muden para sempre. Decataranse de que teñen algo especial en común, máis aló de asistir ao mesmo instituto, e que nas súas vidas hai preocupacións máis fondas  que entregar a tempo os traballos de clase. Estraños poderes, aventuras sorprendentes e misteriosos encontros. Os catro mozos terán que viaxar no tempo para procurar respostas na terra  dos seus antepasados, os celtas...