Xa temos a sintonía e logo da nosa radio!!!

O ano pasado conseguimos completar un pequeno soño: dotar a nosa biblioteca dunha radio propia. Agora, tras moitos ensaios e ideas que foron collendo forma, estamos a piques de estrear a nosa sintonía oficial.

  O venres 28 de novembro saboreamos o menú outonal. Grazas as aportacións das receitas que enviaron as familias. Agradecemos a colaboración das familias do noso alumnado.

OBRADOIRO DE 3D PARA ALUMANDO DA ESO

 O alumnado da ESO iniciouse no Deseño 3D con ThinkerCad. Coñecemos como funciona unha impresora 3D e comezamos a deseñar figuras para darlles vida. 

25N

 

Continuamos a traballar pola igualdade e pola prevención da violencia de xénero, un compromiso que abrangue a todas as etapas educativas do centro.

En Infantil, dentro do proxecto da música, achegámonos a esta temática a través das Fillas de Cassandra e a súa canción “A tataravoa”.

En Primaria e Secundaria desenvolvéronse actividades baixo o lema “Cada folla, unha historia”, visibilizando diferentes realidades e voces que merecen ser escoitadas. Ademais, o alumnado de 3º da ESO na materia de Plástica traballou co lema “Non máis vítimas”.

Son iniciativas que nos axudan a construír un centro máis consciente, máis xusto e máis humano.

REUNIÓN DA MICRORREDE DA TERRA CHÁ

 Tivo lugar no colexio de Adadín a xuntanza da Microrrede de Bibliotecas da Terra Chá. Foi un encontro moi enriquecedor no que, ademais de poñer en común ideas e valorar o camiño percorrido, debatemos sobre futuras colaboracións entre as bibliotecas… e sobre moitas outras cuestións que nos ilusionan e nos unen. Un espazo de diálogo, aprendizaxe compartida e novos proxectos por vir.

COGOMELOS: ECO RETO NOVEMBRO INVESTIGAMOS

 “Agradecémoslle a Carlos Gómez Osa a súa axuda para realizar esta clasificación de fungos e o profesor de proxecto que realizaron a colleita e posterior clasificación con seu alumnado."

Receitas do outono

Como peche da actividade, do proxecto do outono, dentro do programa de nutriescolas, das receitas enviadas ao colexio seleccionamos algunhas para incluír no menú escolar do día 28 de novembro, de maneira que todas e todos poidamos degustar os sabores do outono e desfrutar da diversidade gastronómica que nos achegaron as familias. 

O menú elexido: 

1º Tosta de outono con cogumelos

2º Crema de cabaza

3º Madalenas otoñais de cabaza e chocolate. 

Grazas a todas as familias colaboradoras nesta actividade. 

Microrelatos de outono

  O alumnado de quinto e sexto, xunto co da ESO, deixou voar a imaxinación para crear microrrelatos inspirados nas  catro fotografías gañadoras do concurso de outono. Entre todas as historias nadas da luz e das cores da estación, seleccionáronse as máis destacadas para seren gravadas na nosa radio escolar, onde cobraron voz e vida propia.

BATIDOS SAUDABLES para celebrar o día do nen@

 Esta semana, para conmemorar o 20 de novembro, DÍA DOS DEREITOS DOS NENOS E DAS NENAS, e no marco do programa, Nutriescolas, o alumnado de infantil, primaria e secundaria elaborou batidos saudables. Con esta actividade celebramos e poñemos en valor o dereito a unha alimentación equilibrada e a desfrutar dunha boa saúde, aprendendo ao mesmo tempo a coidar o noso corpo de maneira divertida e consciente.

DISEÑOS CREATIVOS EN 3D É LÁPIS 3D

Esta semana na nosa biblioteca para o alumnado de primaria tivemos un obradoiro de lápices 3D para experimentar coa creatividad e e aprender novas técnicas de deseño creando adornos para ir preparándonos para a chegada do Nadal.

 O alumnado da ESO iniciouse no Deseño 3D con ThinkerCad. Coñecemos como funciona unha impresora 3D e comezamos a deseñar figuras para darlles vida. A semana que ven continuamos...

EXPOSICIÓN DE INSECTOS CON MATERIAIS DE OUTONO

 

O traballo realizado polo alumnado da ESO nos recreos da biblioteca, en colaboración co alumnado de Primaria e co profesorado, tivo como protagonista o outono e os seus tesouros naturais.

Durante varias semanas, os rapaces e rapazas saíron ao patio e á contorna do centro para recoller follas secas, paus, landras, sementes e outros materiais naturais. Con moita imaxinación e coidando cada detalle, transformaron estes elementos nunha fermosa exposición de insectos elaborados con materiais do outono.

Na mostra pódense ver auténticas obras de arte: bolboretas feitas con follas de diferentes cores, formigas de paus e landras, libélulas con ás de follas … Cada creación está acompañada do nome científico do insecto correspondente, aprendendo así a diferenciar especies e a coñecer a súa importancia nos ecosistemas .

Esta actividade serviu para unir ciencia e arte, fomentando o respecto pola natureza e o traballo cooperativo entre etapas. O resultado final é unha exposición chea de cor, creatividade e aprendizaxe, que nos lembra que o outono tamén está cheo de vida.

OBRA DE TEATRO O ACHADO DO CASTRO

 

Hoxe tivemos no colexio, grazas á Deputación de Lugo e ao AMPA, unha obra de teatro representada pola Asociación Os Pinchacarneiros, constituída baixo o paraugas da Fundación Anade, que ten entre outros obxectivos a integración social e laboral de persoas con discapacidade.

A obra, titulada O achado do castro, de Manuel Núñez Singala, lévanos á Roma antiga e faino xogando coa lingua, facendo que os personaxes falen coma nós, empregando termos actuais. Isto dá lugar a situacións moi cómicas que fixeron desfrutar a todo o público.

PRÉSTAMOS EN SEGUNDO DE PRIMARIA

 

Unha das rutinas máis especiais dos xoves na clase de 2º de Primaria é a visita á biblioteca escolar. Cada semana, o alumnado acode con ilusión para realizar o préstamo dun novo libro, escollendo entre as moitas aventuras que os agardan nos andeis.

Ademais, aproveitan este momento para compartir cos seus compañeiros e compañeiras o traballo realizado no seu “block lector”, onde recollen actividades, debuxos ou reflexións sobre o libro lido. Cada neno e nena recomenda a súa lectura, explicando que foi o que máis lle gustou e por que pensa que os demais tamén deberían lela.

Deste xeito, a biblioteca convértese nun espazo de intercambio, aprendizaxe e ilusión pola lectura, onde cada xoves a imaxinación e as palabras cobran vida.

Experimentos de enxeñaría, física e química polo mes de novembro na biblioteca

 Hoxe tivemos na biblioteca unha actividade compartida coas familias, chea de experimentos de enxeñaría, física e química, da man de Leticia, unha mamá do colexio. Esta proposta forma parte da celebración do Mes da Ciencia nas Bibliotecas e do programa “Lectura e Familias”.

Durante a sesión:

 Construímos pontes con paos de madeira, poñendo a proba a nosa creatividade e o equilibrio das estruturas.

 Fixemos volcáns mediante a reacción química do vinagre e o bicarbonato, observando como se producía o “estoupido” de espuma.

 Escribimos con tinta invisible de zume de limón e, ao achegala a unha fonte de calor —neste caso, unha vela—, apareceu a maxia da ciencia: producíuse unha reacción de carbonización. O ácido cítrico do limón oxídase e deixa unha marca de cor marrón sobre o papel.

 Tamén comprobamos a lei de conservación do momento angular, experimentando como, ao xirar nunha cadeira con peso, a velocidade cambia cando abrimos ou pechamos os brazos.

Foi unha tarde chea de curiosidade, aprendizaxe e diversión, na que gozamos moito experimentando en familia.

 Moitas grazas a todas as familias que viñestes compartir esta experiencia científica connosco!

Simetrías de forma colaborativa coa profe Lucía de Matemáticas e o alumnado de 4º da ESO na biblioteca

 Traballando as simetrías de forma colaborativa coa profe Lucía de Matemáticas e o alumnado de 4º da ESO con todo o alumnado de infantil.

Para conmemorar o Mes da Ciencia nas Bibliotecas, realizamos unha actividade moi especial sobre as simetrías. Primeiro, coa axuda dos maiores, botamos pintura sobre unha metade do papel. Despois, dobramos con coidado... e maxia! Apareceron formas e cores simétricas sorprendentes.

Deixamos que as obras secasen ben, e finalmente recortamos as figuras para darlles o toque final. O resultado foron creacións artísticas cheas de cor e simetría, froito da colaboración, da curiosidade e do gusto pola ciencia e pola arte.

CLUB DE LECTURA 3º ESO

 

Club de poesía (Parte1).

  Este curso poñemos a andar o club de poesía, cada trimestre levarase a cabo con diferentes actividades para fomentar as habilidades lingüisticas e a lectura oral. 

CLUB DE LECTURA 22 SEGUNDOS- 2º DA ESO

 

Exposición festas do outono nos diferentes países

Queremos dar as grazas a todas as familias polo seu entusiasmo e polo magnífico traballo realizado para a exposición das festas do outono —de Galicia, Estados Unidos, Nixeria, México...—. 

Tamén a colaboración do Centro de día de Cospeito.

Grazas a vós, a nosa exposición encheuse de cor, cultura e alegría.

Sen vós, nada disto sería posible.