SEMANA DO DÍA DO LIBRO

 

🌈📚 SEMANA DO LIBRO 📚🌈

Esta semana o noso centro énchese de maxia, palabras e historias que voan da man da imaxinación. Convidámosvos a viaxar con nós polo marabilloso mundo dos libros! ✨

📖 Luns
Comezamos a semana cun momento moi especial: as persoas usuarias do Centro de Día visitaranos para compartir cos máis pequenos de Infantil fermosos contos cheos de emoción e tenrura. Un encontro entre xeracións arredor das historias. 💛

📚 Martes
O voluntariado da biblioteca levará a maxia da lectura á escola infantil, onde contarán contos cheos de fantasía, risas e aprendizaxe. Porque as historias medran cando se comparten! 🌱

🎭 Xoves
Visitaremos o HULA para realizar unha xornada moi especial: lecturas de poesías, entrega de marcapáxinas e doazón de libros. Un xeito precioso de levar a lectura a todos os recunchos e compartir ilusión. 💌📖

📢 Durante toda a semana…
No centro, o alumnado converterase en auténtico recomendador literario, creando anuncios de libros interesantes para animar a outros a descubrir novas lecturas. 🎨📚

🐺🦒 E para rematar…
Desfrutaremos dunha divertida animación á lectura cos libros “O lobo Ramón” e “A xirafa e o pelícano” de Santillana, cheos de aventuras e personaxes inesquecibles.

💫 Unha semana para soñar, aprender e viaxar sen saír das páxinas dun libro. Porque ler… é vivir mil historias! 💫

📖 Luns

📚 Martes

MÉRCORES entrega de marcapáxinas

🎭 Xoves

Preparando a saída coa búsqueda de poemas

Descatalogando libros para a doazón

Un grupo de alumnado voluntario de 1º da ESO levou a maxia da lectura ao HULA, compartindo historias e ilusión con pacientes e profesionais.

📚Nun primeiro momento, o alumnado percorreu distintas áreas do hospital —pediatría, cirurxía e hospital de día...— lendo para as persoas usuarias, creando pequenos espazos de calma e compañía.

📚Máis tarde, no hall, realizaron unha fermosa solta de libros, acompañada de marca páxinas elaborados con agarimo na biblioteca do centro.

📚Esta iniciativa non sería posible sen a estreita colaboración coa coordinadora de humanización do HULA @gloriaenriquezsanjurjo e o seu equipo de voluntariado, a quen queremos expresar o noso máis sincero agradecemento, así como ao persoal e ás persoas usuarias polo seu cálido recibimento.

📚Parabéns tamén ao noso alumnado, polo seu compromiso, sensibilidade e xenerosidade.

Hoxe demostraron que a lectura, ademais de abrir portas ao coñecemento, tamén pode ser unha ponte cara á empatía e ao coidado dos demais.

O venres

📻 Lugo volveu acoller unha xornada moi especial da man de @pontenasondasoficial , destacando o valor da radio escolar como ferramenta educativa e como vía para preservar e difundir o patrimonio cultural inmaterial galego-portugués.
No Auditorio do Vello Cárcere, alumnado e profesorado participaron nunha maratón radiofónica conxunta con outros puntos de Galicia e Portugal, nunha edición que reuniu 86 centros de 50 concellos.
O noso cole tamén formou parte desta experiencia con tres grupos de radio:
✨ Un sobre lendas galegas
🎶 Outro sobre a música galega actual
📚 E un dedicado a Begoña Caamaño
Tres propostas moi en sintonía co espírito de Ponte nas Ondas, poñendo en valor a nosa cultura, tradición e lingua a través da creatividade do alumnado.

📢 Durante toda a semana…Recomendacións de libros!

🐺🦒 E para rematar…a semana que ven
Desfrutaremos dunha divertida animación á lectura cos libros “O lobo Ramón” e “A xirafa e o pelícano” de Santillana, cheos de aventuras e personaxes inesquecibles para o alumnado de 1º,2º,3ºe 4º.