Para conmemorar a figura de Rosalía de Castro dun xeito diferente e aproveitando o carácter plurilingüe do noso colexio, varios alumnos e alumnas da ESO participaron nunha emotiva lectura radiofónica do poema Adiós ríos, adiós fontes.A través de distintas linguas, as súas voces fixeron viaxar os versos de Rosalía máis alá das fronteiras do galego, demostrando que a súa obra segue viva, actual e capaz de emocionar en calquera idioma. Foi unha experiencia fermosa que uniu tradición, diversidade lingüística e amor pola nosa literatura, rendendo homenaxe á autora dun xeito creativo e cheo de sentimento.
No hay comentarios:
Publicar un comentario