Hoxe día das bibliotecas, celebramos cas bibliotecas son moito máis ca lugares cheos de libros. Son espazos onde nos ensinan a utilizalos, a respectalos e a gozar da lectura. Nelas aprendemos as súas normas, imos descubrindo novos mundos e tamén levamos os libros ás nosas casas para seguir soñando.
Pero as bibliotecas non son só para ler: son puntos de encontro onde a imaxinación medra, onde a curiosidade se alimenta e onde sempre hai unha nova aventura agardando por nós.
Un curso máis abrímoslle a porta á creatividade na biblioteca, deste volta a través do deseño. O deseño que acompaña desde o inicio a comunicación escrita, que é orixe de tipografías, logotipos e páxinas, que consegue achegar a información da maneira máis impactante ou máis sutil.
Deseño gráfico que tamén trascende do mundo do libro e está presente na publicidade, a prensa, as etiquetas, as marcas corporativas… e en tantos outros ámbitos da nosa vida cotiá.
Esta será a temática en torno ao que xire este curso.
3,2,1...COMEZAMOS🎉
No hay comentarios:
Publicar un comentario